Иднината на дигиталните иновации: Соработка на академијата и индустријата

Датум: среда, 02.10.2024

Локација: Факултет за информатички науки и компјутерско инженерство

Руѓер Бошковиќ 16, 1000 Скопје, Република Северна Македонија

Регистрирајте се ТУКА до 27.09.2024

 

Во име на сите партнери на DigitMak, со задоволство ве покануваме на нашиот претстоен настан, „Иднината на дигиталните иновации – симпозиум за соработка помеѓу академијата и индустријата“, кој ќе се одржи во среда, 02 октомври 2024 година, со почеток во 09:00 часот.

Мотивиран од националната потреба за зајакнување на дигиталната подготвеност и капацитетите кај бизнисите и јавните организации, овој настан ќе ги обедини клучните чинители од академската заедница и индустријата со цел да се истражи возбудливиот потенцијал на дигиталните иновации и да се поттикнат нови партнерства.

Во текот на настанот, детално ќе биде претставен Центарот за дигитални иновации (DIH) DigitMAK, вклучувајќи увид во неговите основни цели и услуги за поддршка на дигиталната трансформација во различни сектори.

Ќе бидат опфатени важни теми како што се претстојните повици и иницијативите за корпоративни иновации, по што ќе следи преглед на програмите на Европската банка за обнова и развој (ЕБОР), наменети за поддршка на иновациите и растот. Дополнително, ќе се дискутира за различните можности што ги нуди Европскиот институт за иновации и технологија (EIT) за поттикнување соработка и развој, како и за придонесите на Enterprise Europe Network (EEN) и UNICA, Мрежата на универзитети од главните градови на Европа.

Настанот ќе ги опфати и значајните достигнувања во рамки на проектот EuroCC², чија цел е зајакнување на европските капацитети за пресметување со високи перформанси. Сесијата посветена на клучните аспекти на правата од интелектуална сопственост ќе им помогне на организациите во заштитата на нивните иновации.

По главната програма, ќе има можности за брзи состаноци фокусирани на DIH услугите, вклучувајќи:

• Проценка на иновативноста
• Едукација и обука
• Дигитализација и дигитални услуги
• Пристап до финансии

Со нетрпение го очекуваме вашето учество во оваа возбудлива иницијатива, чија цел е да го премости јазот помеѓу академската заедница и индустријата и да ја придвижи напред иднината на дигиталните иновации.

Ве молиме потврдете го вашето присуство до 27.09.2024 со пополнување на формуларот.

АГЕНДА – 02.10.2024

Време	Тема	Говорници
9:00 – 9:30	Регистрација
9:30 – 9:45	Отворање на настанот	м-р Стефан Андоновски – министер за дигитална трансформација
9:45 – 10:00	Претставување на DIH: основачи, цел и портфолио на услуги	проф. Петре Ламески – продекан за наука и соработка на Факултетот за информатички науки и компјутерско инженерство – Скопје, DIH координатор
10:00 – 10:10	EIT Food повик – корпоративни иновации	Никола Огненовски – EIT Community RIS Hub во Северна Македонија
10:10 – 10:40	Програми на ЕБОР	Маја Столевска Костадинова – ЕБОР
10:40 – 11:00	Кафе-пауза
11:00 – 12:00	Сесија 1 – EIT можности	Marta Kaczmarek – директор, Cross-KIC Strategic Regional Innovations, EIT Health Adam Strzelecki – EIT Food Piotr Pawelec – EIT InnoEnergy Smart Learning Factory Никола Огненовски, EIT Community RIS Hub во Северна Македонија
12:00-12:10	Пауза
12:10 – 12:30	Сесија 2 – EEN	проф. Виктор Стојмановски – EENOMA
12:30 – 12:50	Сесија 3 – UNICA	проф. Sorin Costreie, претседател на UNICA, Мрежа на универзитети од главните градови на Европа проф. Luciano Saso, генерален секретар
12:50 – 13:30	Кафе-пауза
13:30 – 14:30	Сесија 4 – проект EuroCC	проф. Боро Јакимовски, декан на Факултетот за информатички науки и компјутерско инженерство – Скопје
14:30 – 15:00	Сесија 5 – Права од интелектуална сопственост	д-р Adrian Bradley, Cleveland Scott York
15:00 – 17:00	Можности за брзи состаноци за DIH услугите: – Проценка – Едукација – Дигитализација – Пристап до финансии Коктел и вмрежување

 

 

Центар за дигитални иновации (DIH) – DigitMak

За DigitMak – Центар за дигитални иновации

Како одговор на националната потреба за зајакнување на дигиталната подготвеност и капацитетите кај бизнисите и јавните организации, Иновацискиот центар – DigitMak беше основан како конзорциум од четири партнерски институции. Секоја од нив носи уникатна експертиза во услуги за поддршка на целосна дигитална трансформација и неопходна инфраструктура:

• Универзитет „Св. Кирил и Методиј“ во Скопје
• Бизнис акцелератор УКИМ – БАУ
• Стопанска комора на Северна Македонија
• Фондација за менаџмент и индустриско истражување – МИР

Конзорциумот ќе спроведе насочена стратегија за градење капацитети и испорака на услуги со додадена вредност, усогласени со целите на програмата Digital Europe. Фокусот ќе биде ставен на унапредување на дигиталната трансформација, одржливоста, растот, продуктивноста и конкурентноста на приватните и јавните субјекти поддржани од DigitMak.

Центарот за дигитална трансформација DigitMak ќе биде вклучен во сите фази на дигиталната трансформација на компаниите, од анализа на дигиталниот јаз, односно дијагностика, до развој и имплементација на дигитална стратегија преку:

• Користење методологија за проценка на иновативното и дигиталното ниво на компаниите
• Подготовка на стратегија за дигитална трансформација
• Едукација и обука
• Дизајн и имплементација на дигитализација и дигитални услуги
• Пристап до финансии

 

Запознајте ги говорниците