Industry Meetup i DIGITMAK: Transformimi digjital dhe e ardhmja e biznesit

DIGITMAK ju fton në aktivitetin “Industry Meetup”, kushtuar transformimit digjital dhe mundësive për avancimin e kapaciteteve digjitale të kompanive dhe institucioneve në Maqedoninë e Veriut.

Aktiviteti do të jetë një mundësi për prezantimin e shërbimeve dhe formave të mbështetjes që ofron DIGITMAK, si dhe për shkëmbimin e pikëpamjeve mbi rolin e digjitalizimit dhe teknologjive të reja në zhvillimin e sektorit të biznesit.

Vëmendje e veçantë do t’i kushtohet transformimit digjital në sektorin financiar dhe mundësive që teknologjitë digjitale, përfshirë inteligjencën artificiale, krijojnë për zhvillimin e shërbimeve financiare më inovative dhe për përmirësimin e qasjes në financim për bizneset e vogla dhe të mesme.

Në kuadër të aktivitetit, pjesëmarrësit do të kenë mundësi të njihen me mbështetjen që ofron DIGITMAK, të marrin pjesë në një punëtori për transformimin digjital dhe të bëjnë vlerësimin e pjekurisë digjitale të kompanisë ose institucionit të tyre përmes mjetit Digital Maturity Assessment (DMA).

Aktiviteti do të mbahet më 25 shtator 2026 (e premte), me fillim në orën 09:00, në hotelin Holiday Inn në Shkup, si një panel i posaçëm diskutimi në kuadër të konferencës MicroBalkans 2026 – Lending Reimagined.

MicroBalkans 2026 është një konferencë rajonale kushtuar së ardhmes së financimit dhe transformimit digjital në sektorin financiar, e cila do të mbledhë përfaqësues të sektorit financiar dhe teknologjik, investitorë, ndërmarrje të reja (start-up), mikro, ndërmarrje të vogla dhe të mesme, si dhe institucione dhe organizata relevante nga rajoni.

Regjistrimi

Për pjesëmarrje në aktivitet, ju lutemi kontaktoni:

Daniel Matrakoski
daniel@mchamber.mk | 02/3244-043

Tatjana Shterjova Dushkovska
tatjana@mchamber.mk | 02/3244-065