Што претставува DigitMak?

DigitMak претставува модерен Европски дигитален иновациски хаб кој обединува експертиза, инфраструктура и мрежи преку здружување на DigitMak Hub во Скопје и SEEU TechPark Hub во Тетово.

Оваа синергија овозможува создавање на единствена платформа која ќе обезбеди национална покриеност и директна поддршка за бизнисите и јавниот сектор, со посебен фокус на регионите надвор од главниот град.

Во време кога примената на вештачка интелигенција станува клучен фактор за конкурентност, DigitMak ќе функционира како едношалтерски центар (one-stop shop)преку кој компаниите и институциите ќе добијат пристап до најсовремени технологии, знаење и експертска поддршка.

Услуги за компаниите и институциите

• Test before Invest – можност компаниите да тестираат нови дигитални и AI решенија пред да инвестираат.
• Обуки и развој на вештини - специјализирани тренинзи за вработени, менаџери и технички кадар.
• Поддршка за пристап до финансии – помош при поврзување со инвеститори, грантови и европски фондови.
• Вмрежување и пристап до иновациски екосистеми – поврзување со домашни и европски партнери.

Со овие услуги, DigitMak ќе им помогне на компаниите да станат поконкурентни, поефикасни и подготвени за дигиталната иднина.

Фокус на вештачка интелигенција

Посебна вредност на DigitMak е неговиот засилен фокус на вештачката интелигенција (AI). Хабот ќе обезбеди:

• поддршка за воведување AI решенија во бизнис процесите;
• пристап до експерти и инфраструктура за тестирање;
• AI help desk како прва линија на поддршка за компании и институции;
• насоки за усогласување со европските регулативи.

Преку ова, DigitMak активно ќе придонесе за побрзо прифаќање на AI во клучните сектори како и за развој на одржлив и инклузивен дигитален екосистем.

Партнери во проектот

• Универзитет „Св. Кирил и Методиј“ во Скопје – координатор
• Универзитет на Југоисточна Европа, Тетово
• Стопанската комора на Северна Македонија
• Бизнис-технолошки акцелератор УКИМ ДОО Скопје
• Бизнис и иновациски центар Тетово
• Фондација за менаџмент и индустриско истражување
• Центар за развој на Полошки плански регион
• Стопанска комора на Северозападна Македонија

Како придружен партнер, вклучена е и Агенцијата за иновации, научно-технолошки развој и претприемништво, која ќе придонесе кон зајакнување на врските со националниот иновациски систем.

Платформа за трансформација

DigitMak не е само проект – тоа е платформа за трансформација, која ќе им овозможи на компаниите и институциите во Македонија да чекорат во чекор со европските и глобалните трендови.

Со DigitMak, компаниите добиваат партнер кој ќе им помогне да ја претворат дигитализацијата од предизвик во можност.